غير اللّي كان ما بدّي رجّعلي الزمان بأدّي

بكفّيني و بكفّي كفّك ما يلمس كفّي -ريما خشيش

بكرهك لبنان و بكره الدول العربية و الهجرة و الغربة و الحقيقة اللي بتقول " وقت يخلص القلق بيخلص الفن" و نحنا ما منسوى شي بلا ذكرياتنا امتلكني الخوف و زعلت كتير مجرد حسيت إنو ذكرياتي ضاعت حتى لو ذكرياتي حاملتا بقلبي لازم ضل شوفا ليش انت هيك لبنان ليش ما بتعيش إلا بالحروب و القلق و الفراق و ليش أحزابك كذااااااااااااااابة ليش نشيدك الوطني هو خيبة الأمل و شعبك عم بفتش عن الأمل بأرض غير أرضك ليش إنت منارة الشرق بس بيوتك مطفية ع طول فيك تفهمني ليش إنت سبب وحدتي و قلقي و يأسي ؟؟؟ أكيد صعب تحكي و تقول لأنك مجرد علبة بسكويت مكتوب عليها " مكونات السعادة" السعادة المزيّفة أكيد لأن كل واحد فينا متخيل إنو مكونات السعادة فيك ع هيئة مال يمكن أو إنسان بحبو أو عيلة ما بتتعوض أو مطرح إلو ذكرى عندو بس للأسف إنت مجرد وهم جمالك و سحرك و بحرك اللي شتقتلو و ما بقدر روح علي بدون شخص سرقتو إنت مني لأن ما بحس بالبحر إلا معو
 إنت وهم بس قرفك هوي الحقيقة الوحيدة إيه قرفك تاريخك الكهربا اللي دايما مقطوع أجلها زعمائك و تجليطن  كنت عم بحلم شوف حزب واحد بس عندو مبادىء بس للأسف هيدا إنت هيدا لبنان و هيك مننعي الوطن و هيك أنا اليوم بكرهك و بسبّك و برمي ذكرياني بخزقهن و بكرا بس فيق برجع بقول يا محلا لبنان !بتمنى إتغير و بطّل حبّك