NEW ERA NEW MAJOR YUP AM ATTENDING MY GRAPHIC DESIGN COURSES

أعزائي المتابعون للبلوغ أو غير المتابعين للبلوغ و اللي بتمنى  تصيرو متابعين محبّين أو غير محبّين لأعمالي حبّيت شارككم فرحتي الكتيير كبيرة اللّي تحققت الأسبوع الماضي بعد ما تسجّلت بكليّة الفنون و أخيراً بعد تأخير دام أربع سنوات كنت قضيتن بإختصاص آخر بعيد تماماً ( اللي هوّي إدارة الأعمال ) و كلّ البعد  عن الفنّ و الإبداع و شغفي اللي ما إلو حدود بالرسم و الفنون  بشكلّ عام  اللّي هي إختصار للحياة الملوّنة الجميلة بنظري على الأقلّ :):):) بتمنى تكون بداية موفّقة و يكون هالتأخير خير إلي متل مابقول المتل بلبنان " كلّ تأخيرة فيها خيرة" أنا بحاجة لرأيكم لأن بهمني أكيد و لتشجيعكم لأن بيعطيني الإندفاع. بعرف إنّو فرحتي مبالغ فيها و لكن هي فعلاّ هيك مش فرحة عادية و خصوصي وقت شوف و بأوّل يوم فعلي للفصل صفّي اللّي كنت إحلم في و طاولات الرسم اللي حابة جيب منها كتيييير شخصيّاً و اللي رح زوّدكم بصورها أكيد و أكيد أكيد أكيد المتعة الكبيرة وقت رحت جبت الغراض المطلوبة و كانت رائحة الدفاتر و الفراشي و الأقلام هي أحلى شي عندي

علّقوا عالموضوع باللغة العربية و أنا عم بكتب بالعربي اللبناني 

لأن هيك بعبّر عن إحساسي بالطريقة  الحقيقية أكتر

ملاحظة: لون الخلفية الأسود في الرسم هو إقتراح 

Sama http://samahandmade.blogspot.com/2010/11/my-first-post.html فشكراً جداً جزيلاً